有一種音樂叫做「你在別人車裏聽到的音樂」。有一天因工作關係坐上了同事的順風車，在一堆J-Pop當中，唯獨這位我不曾認識的歌手所唱的《櫻花紛飛》讓我忘不了。
是首畢業季節的歌，青春感滿滿呢。
中譯歌詞：
************************************************
聽過這首之後，覺得大原櫻子唱功不錯，翻了一下她其他的歌，又發現一首《渺小的愛戀之歌》。
曲風實在很有YUI的感覺，那種感情很有力併發的唱腔也很像。原來是少女漫畫改編電影《她愛上了我的謊》的歌曲，大原櫻子飾演的女主角也是拿著結他自彈自唱的女生，難怪那麼像YUI。
中譯歌詞：
16年前的歌，忽而在腦海響起。那時常聽電台，但還是個屁孩，自是不懂這首歌。16年後，停下來聽一聽這首歌，原來已經經歷過了，不懂也要懂。
不顧一切拼搏之後，漂泊的唏噓。親情、愛情、兄弟情，各有煩愁。打開窗，望向世界，不盡人意。
Rap多過唱，就像朋友見面，苦水多過笑話。
沒有智慧真言贈你，只有向自己的一份坦誠交代。
唯有可以做的，就是繼續當亡命之徒，催起油門。臉上改變的容貌，是迎面強風的痕跡。
每當利物浦輸球了，官方網頁都會登出一篇領隊對敗仗的定調，然後配上一幅領隊樣貌嚴肅的照片。
我從來沒有點進過這些報導文章，不過今天我自己卻要寫下這種毫不令人提起興趣的文。
********************************
有關2024年的氛圍......
每當有一年，我的Blog裏空盪盪的，然後隔了六、七、八個月突然蹦出一篇來，你就可以預期會見到那些甚麼「這段時間沒有甚麼值得提起的事、忙得七上八下、沒有時間停下來」之類的老調重彈。當然，我不能說2024年並沒出現這種狀態，尤其是下半年的工作確實很忙很枯燥，但2024年實際也未去到沒有值得一提的事，甚至還挺多的。不過我們今天並不是來談論這些老調和流水帳。
事實上2024年的感覺和2018下半年至2019年上半年驚人的相似，那種隱約中由陰暗主導的氛圍，好像滲在了空氣中，或許有一刻有其他的事掩蓋了，但你知道那味道還在，而過了一陣子後你也確認它還在。兩個時期不同的是，由過去外界環境造成變成了現在由更個人的事情造成。
有關下沉氛圍中的「主動消極」......
撇除個人不可控制的打擊，例如睡眠質素持續不佳的困擾，和年中處理父親手術的事宜，下沉氛圍最大程度來自前年底的失戀以及缺乏個人目標。2018-2019年類似氛圍我在內心稱之為「滑翔機態勢」，就是飛機還在高空，但沒有了發動機提供動力，只是一直滑翔，又離墜落有距離。不過2024年我卻是反其道而行，選擇了維持滑翔，我選擇了不用太多力去抵抗，我也大方承認負面的情緒，我說我要休息(不管是否個藉口)。「主動消極」是刻意採取的姿態，這並不漂亮，別人看上去也挺不堪，但確實省了一些心機。而事實上，前述那些不可控制的打擊，我在沉著應戰下總算沒讓事情走向更差境地。比起高亢的氣氛，現在這樣比較能讓我識別最需要集中的事情。
有關真正危險的「訊號」......
其實我蠻討厭「XX的N種訊號 (N Signals of sth)」那類文章或影片。一來那些「訊號」很多時只是無稽的猜測，二來生活中充斥著太多這種資訊，只會是「雜訊」，反而失去了對現狀的把握。不過，今天我要談我觀察到在自己身上真正危險的「訊號」，是在陰沉氣氛下也觀察到的，真正的傢伙。
1. 比起有好事發生，成功預測到壞事發生，更有快感
僅僅說出來便覺得很糟糕了。這訊號可以牽涉不同思想層面。第一個想到的是完美主義的極端化，讓做得好成為了理所當然，不值讚賞，而開始要求對壞事要有強大的預測能力，並只能為此感到雀躍。我固然有完美主義的傾向，但我覺得我還未墮落到這個田地，至少我沒瘋到祈求壞事發生來為自己帶來快感。第二個我想到的可能性或許更接近：理想主義和現實主義的碰撞，總是後者勝出。我的意識中，一直同時存在浪漫的理想，和務實的思維。但在艱難的時勢中 (不論是大環境或是個人狀態)，理想總是難實現，現實則總是擺在眼前，那麼「規避最壞情況」意識當然成了主導的模式，而且不斷在實戰中強化。
我現在沒有甚麼妙計去扭轉這情況，唯有是把握機會製造一下自己的理想狀況，讓自己不要忘記 (儘管近年這類理想主要是圍繞旅行到某個地方去做一些事，像是達成一個儀式之類的，但儀式就是要來記住一些感覺嘛，沒甚麼不好)。
2. 每當想講起負面話題，總覺得會引發朋友心中的警報，於是還是不說了
這令我不得不想，我是否真的看來如此的不快，讓我每句說話總像隱藏危機？而每句「沒有事」都像在掩飾？或許不同了的是我更頻繁地表達自己的不滿，因為真的很不爽。說出來會爽些嗎？不多吧，那就更顯得忍耐著是虧了。
談論這個話題很困難，並不是說難開口，而是大家心中一定有不同的尺度，沒有誰對誰錯。一直在關心著我的你們全部都很棒，我可以承諾的只有更直接地說出自己的感受。例如今天講這些，便是希望明確一些：心情確實挺糟糕，但是否達到死去活來的地步？也沒有。
********************************
2024年並不是如意的一年，但我還是要接受這一切。如果我們要談論這一年有多糟糕、心情有多低落，首先要承認吃下這場敗仗。
最後，分享給大家這首歌：〈People, I've been sad〉
下雨了
我提傘
來接妳
我也來了
雨也停了
妳也走了
我撐
住傘
獨個
回家
2023年12月9日至12月10日嘅週末，我為咗去東京巨蛋睇《異次元Fes Idolm@ster★♡Love Live! 歌合戰》演唱會，快閃咗一次東京，今次呢篇正式向大家分享演唱會嘅感想！
(為咗更生動傳神咁表達，呢篇係會用口語寫嘅~)
呢個演唱會係乜東東？
Idolmaster同LoveLive! 係日本兩大跨次元偶像企劃，佢哋本身係音樂遊戲，然後製作動畫、漫畫，再跨次元到舉辦真人演唱會。本身係遊戲動漫，咁真人演唱會係邊個演出呢？答案就係為角色配音嘅聲優！兩個企劃，各自都舉辦過無數場演唱會，今次首度聯手合作，可以話係有今生、無來世！竟然有朋友班到門票，真係幾艱難都要飛去睇！
去之前嘅期望？
其實我要求好簡單，只係想目睹欣賞嘅聲優嘅身姿。今次演唱會中出場嘅7大偶團之中，只有LoveLive! 嘅「虹咲學園偶像同好會」(簡稱「虹團」) 我係跟得足，其餘LoveLive!團隊只可以話係略知一二， Idolmaster方面更加只係聽過愛美(飾演Million Live嘅Julia)嘅歌。
會場內外雜攝
東京巨蛋係日本職棒巨人隊嘅主場，充滿霸氣的歷屆冠軍直幡旁邊，係霸氣得嚟有少少唔同嘅偶像女團直幡，總覺得好有喜感 (笑
12月9日及12月10日，東京巨蛋唔打棒球！
入閘後
會場內盛況，人數多到一個點 (兩日共9萬現場觀眾，即係呢度成4萬幾人 @@)
正式開場後嘅感受？
「Wow!」開場有幾首炒熱氣氛嘅快歌，fans打call聲雷動全場，個個都好熟練呢啲必要曲目，我感覺自己未跟到個節奏。但好快地我放開心情讓四肢同聲帶跟隨住周圍就好，情緒都跟住high上嚟，感覺極正！
雖然一開波有少少唔適應，但其實今次唔算係我第一次置身呢種場境。早於2018年時，我參加過LoveLive! 電影劇場版嘅應援場，當時入場嘅fans同樣全副武裝，帶哂penlight同螢光棒打call歡呼。只不過喺戲院入面我仲係可以安坐喺座位睇大家，嚟到演唱會，就唔止係睇台上聲優表演，要積極參與其中！
難忘嘅時刻？(文末附詳細版)
1. 「虹團」我推：村上奈津實solo出場！我頗欣賞嘅內田秀、林鼓子、前田佳織里、指出毬亞亦在今日solo陣容內！
2. Million Live《ジャングル☆パーティー (Jungle Party)》最強party song，全場不論邊邊fans一齊開心大嗌「U-HA-HA!」
3. Aquors 《WATER BLUE NEW WORLD》壓倒性嘅高質演出，綜合歌唱力、舞步、衣裝各方面均無懈可撃！
4. Liella!! Syncri5e小隊 《Dancing Rapsberry》5人高同步率型格歌舞演出，show後我直接跳坑睇動畫！
5. Million Live、Aquours合唱《さよならアンドロメダ (再見仙女座)》，燈光組大顯身手，在柔和歌聲下將東京巨蛋化為星河！
6. 跨企劃合唱《繚乱！ビクトリーロード (繚亂！Victory Road)》，各團的成員穿著特攻服在rap！Idolmaster嘅fans 先係嚇窒，然後瘋狂high爆！
7. 跨企劃合唱《コットンキャンディえいえいおー！ (Conton Candy Ei Ei Oh~!》，觀眾終於有機會參與呢首meme級神曲！
見證歷史
Idolmaster同LoveLive! 合作搞演唱會，本來已經夠歷史性，但今晚嘅演唱會，仲重現咗一個經典場面：LoveLive! 元祖μ’s 團《Snow Halation》嘅橘色奇蹟。Fans應援呢首歌時，前半部需要將penlight著白色，到最後一節副歌時，全場penlight改著橙色配合歌曲高潮。7年前LoveLive! μ’s Final LoveLive!正正係喺東京巨蛋舉行，而該次亦係μ’s 團最後一次單獨演唱會，今次東京巨蛋再度喺《Snow Halation》嘅歌聲下染成一片橙海，可謂別具意義，係真正嘅奇蹟。
其實我都算做經歷過一次《Snow Halation》嘅橘色奇蹟，就係頭先提過嘅LoveLive! 電影劇場版！電影響起《Snow Halation》時，戲院內嘅fans同樣著起橙色penlight同螢光棒。
坦白講，喺今次異次元Fes演唱《Snow Halation》時，我都未知原來自己已經置身歷史當中，甚至penlight轉色反應都慢咗。但呢啲都唔緊要，最值得慶幸嘅係，我有嚟到呢場live，有好好享受嗰一刻。
官方剪輯嘅精華片段：
後記
呢場live真係好特別，唔淨止頭先講過嘅跨企劃合作、經典重現呢啲客觀部份，而係我再一次體會到，偶團演唱會嘅觀眾參與度係十分之高，甚至可以話觀眾都融入埋表演一部份，全程都一齊嗌、一齊揮penlight，只要台上有人唱緊，觀眾就唔會坐低。雖然我以往絕少去演唱會，但我會話我好享受呢種形式嘅表演，真心覺得好玩。
睇呢場live的確係好奢侈，話雖係淡季，但一張東京來回機票只係去2日1夜，點都係大嘥鬼。不過基於呢場live嘅精彩、難得、難忘嘅程度，只要買到參與其中嘅機會，今次嘅付出係值得嘅。尤其2024年3月12日抽選宇多田光日本巡迴演唱會門票失敗之後，我更加感受到，有機會去外地睇live其實係十分十分唔容易，抽到飛又喺能力所及範圍內嘅都應該盡力去。呢啲人生中獨一無二嘅體驗機會，最抵死嘅地方係，如果你錯過咗，你根本連有幾可惜都意識唔到，只有你身處喺入面，先會識得慶幸自己無錯過到。
***************************************************
演出感想詳細版
「虹團」幾位我欣賞嘅聲優，包括首推嘅村上奈津實，同埋另外幾位包括內田秀、林鼓子、前田佳織里、指出毬亞都喺Day 2 solo登場。「虹團」主打solo曲，但如此龐大規模嘅演唱會中，無奈只可安排佢哋唱半首，所以表現機會其實少咗。
Idolmaster嘅愛美雖然只參與團唱，無緣聽到solo曲《Star Trip》，但經驗豐富嘅佢一貫台型十足，好識帶動氣氛。例如Million Live嘅《ジャングル☆パーティー (Jungle Party)》，本身有好多動物擬聲詞畀fans打call跟住嗌，氣氛已經十分歡樂，愛美喺間奏時大嗌「東京ドームのみな最高！(東京巨蛋的大家最棒了！)」，更加令全場情緒高脹。事後睇返，有好多唔識Idolmaster嘅LoveLive! fans，紛紛表示玩得好開心。
綜合實力計，我印象最深刻嘅歌曲係LoveLive! Aquors (簡稱「水團」)嘅《WATER BLUE NEW WORLD》，現場壓倒性嘅演出，令我睇到目瞪口呆，penlight都唔識揮。水團多位聲優唱功都好好，Centre位嘅伊波杏樹表演極度投入、表情配合歌詞帶出非一般感染力，而舞步方面，即使運動量大、走動範圍廣，9位團員一樣夾得好齊，整體水準十分之高。
Love Live! Liella!! (簡稱「星團」)嘅unit：Syncri5e嘅《Dancing Rapsberry》，亦係跳舞方面表現突出。歌曲行型格路線，5位小隊成員動作利落、有力，舞步編排帶來嘅視覺立體感極佳，亦有好多Liella!!特色嘅細緻動作。呢次嘅演出，成功令我入坑追睇返星團嘅動畫。
演唱會後段開始有較多跨企劃合唱歌曲，其中由嘅Million Live同Aquours兩團合唱嘅《さよならアンドロメダ (再見仙女座)》，除咗有勁多唱得之人外，燈光效果亦應記一功。燈光編排善用東京巨蛋圓型頂部，直接將觀眾帶到去一片廣闊星空，歌曲最尾時，舞台上方射燈由下而上照到看台底部水平，喺看台上嘅人就彷彿見到用光茫搭起，架向星空嘅舞台，夢幻非常。
但真正好戲而家先至上演。正如瀨尿牛丸唔爆，不如分開返瀨尿蝦同牛丸各自食。既然係兩大偶像企劃嘅合作演唱會，合作曲目就要夠精彩先對得住觀眾。尾段《繚乱！ビクトリーロード (繚亂！Victory Road)》同《コットンキャンディえいえいおー！ (Conton Candy Ei Ei Oh~!》打出重鎚組合拳，直接令全場觀眾high到上天堂。《繚亂！Victory Road》本來係「虹團」嘅角色介紹歌，用上電音曲風配rap詞演繹，貫徹「虹團」破格思維。官方大膽起用呢首歌，安排Idolmaster及LoveLive!不同成員著上特攻服(暴走族嘅衣著)，揮舞光劍，仲好有心將rap詞改為介紹其他團嘅成員！至於 《Conton Candy Ei Ei Oh~!》則係「水團」嘅經典meme song，明明係訴說對棉花糖的喜愛的可愛歌曲，卻以畫風崩壞暴走嘅MV聞名，由「水團」降幡愛領銜，帶領Idolmaster Million Live U149嘅聲優表演。每當唱到副歌，全場觀眾不論Idolmaster及LoveLive! fans大嗌「Ei! Ei! Oh~!」，氣勢一時無兩！
睇返live後Idolmaster及Love Live兩批fans嘅回響，今次跨企劃演唱會難能可貴嘅地方，在於就算唔識另一邊嘅fans (好似我咁)，同樣可以樂在其中，係一場成功嘅祭典。
